பிட்காயின் (bitcoin) என்பது சடோஷி நகமோட்டாவால் உருவாக்கப்பட்ட ஒரு எண்ணிம நாணயமுறை ஆகும். இப்பயன்பாட்டுக்காக அவர் உருவாக்கிய திறந்த மூல மென்பொருளும் இதே பெயராலேயே அழைக்கப்படுகிறது. சரியிணை வலைப்பின்னல் முறையில் இது இயங்குகிறது.
பெரும்பாலான நாணயமுறைகளைப் போலன்றி, பிட்காயின் நாணயத்தைக் கட்டுப்படுத்தும் நடுவண் அமைப்பு ஏதும் இல்லை. இரகசியக் குறியீட்டு முறையைப் பயன்படுத்துவது மூலம் இதில் அடிப்படை பாதுகாப்பு வசதிகள் செய்யப்பட்டுள்ளன. மோசடிகளைத் தவிர்க்க ஒரு பிட்காயினை அதன் உரிமையாளர் ஒரு முறை மட்டுமே செலவழிக்க முடியும். ஒரே பிட்காயினை மீண்டும் மீண்டும் பயன்படுத்த முடியாது.
அடையாளம் காட்டாதவர் கூட பிட்காயினைப் பயன்படுத்த முடியும். பிட்காயின்களை தனிப்பட்ட கணிணிகளிலோ அல்லது மூன்றாம் தரப்பு வலைத்தளங்களிலோ சேமிக்க முடியும். எப்படியாக இருந்தாலும் பிட்காயின் முகவரி உள்ள யாருக்கு வேண்டுமானாலும் இணையம்மூலம் பணத்தை அனுப்பலாம். எந்த அரசாங்கமும் பிட்காயினின் மதிப்பை மாற்ற முடியாது. அதிக பிட்காயின்களை உருவாக்கி யாரும்பணவீக்கத்தையும் உருவாக்க முடியாது.
பிட்காயின் என்றால் என்ன?
ஒரு சரியிணை வலைப்பின்னல் (பியர் - பியர்) மின்னணு பண அமைப்பு.
பிட்காயின் என்பது மின்னனு உலகில் உருவாக்கப்பட்டு நடைமுறையில் இருக்கும் ஒரு டிஜிட்டல் வடிவ நாணயம். யாரும் அதை கட்டுப்படுத்துவதில்லை. பணம் மற்றும் நாணயம் போல அச்சிடப்படுவது இல்லை. கணித சிக்கல்களைத் தீர்க்கக்கூடிய ஒரு மென்பொருள் மூலம் மக்களால், அதிகரிக்கும் தொழில் வளர்ச்சியால், உலகம் முழுக்க இயங்கும் கணினிகளால் பிட்காயின் தயாரிக்கப்படுகிறது.
க்ரிப்டோகரன்சி எனப்படும் வளர்ந்துவரும் புதியவகை பணத்திற்கு (மறை பணம்) இதுவே முதல் உதாரணம்.
சாதாரண நாணயங்களில் இருந்து இது எவ்வாறு வேறுபடுகிறது?
மின்னணு முறையில் பொருட்களை வாங்க பிட்காயின் பயன்படும். அந்த வகையில், இது டாலர், யூரொ,ரூபாய் போன்ற நாணயம், மின்னணு முறையிலும் வர்த்தகம் செய்ய உதவும்.
எனினும், வழக்கமான நாணயங்களிலிருந்து பிட்காயின் வேறுபட்டு விளங்க இன்னொரு முக்கிய பண்பு இது பரவலாக்கப்பட்டுள்ளது என்பதுதான். எந்த ஒரு நிறுவனமும் பிட்காயினை கட்டுப்படுத்துவது இல்லை. இது சிலருக்கு வசதியாக இருக்கிறது, ஏனெனில் அவர்களது பெருமளவிலான பணத்தை வங்கிகளாலும் கட்டுப்படுத்த முடியாது.
இதை உருவாக்கியது யார்?
முதல் பிட்காயின் விவரக்குறிப்பு மற்றும் மாதிரி வடிவம் 2009-ம் ஆண்டு வெளியிடப்பட்டது, பின்பு 2010-ம் ஆண்டு மென்பொருள் வெளியானது. தன்னைப் பற்றி தகவல் வெளியிடாத ஒருவரால் சடோஷி நகமோட்டா என்ற புனைபெயருடன் இம்மென்பொருள் வெளிவந்தது. அன்று முதல் இந்த பிட்காயின் சமூகம் அதிவிரைவாக வளர்ந்து வருகின்றது.
இதை அச்சிடுவது யார்?
யாரும் இல்லை. இந்த நாணயம் எந்த ஒரு வங்கியாலும் யாருக்கும் தெரியாமல் அச்சிடப்பட்டு, மக்களிடம் புழக்கத்திற்கு வராமல், தனக்கான விதிகளை அமைத்து கொள்வதில்லை. வங்கிகள் தங்களது நாட்டின் கடன் சுமையை குறைக்க தொடர்ந்து நாணயங்களையும், பணத்தையும் அச்சிடுகின்றன, அது அந்நாட்டு பணத்தின் மதிப்பை குறைக்கவே செய்யும்.
மாறாக, பிட்காயின் மின்னணு முறையில் குறிப்பிட்ட குழுவால் தயாரிக்கப்படுகிறது. அக்குழுவில் யார்வேண்டுமானாலும் உறுப்பினர் ஆகலாம். பிட்காயின், விநியோகிக்கப்பட்ட வலைப்பின்னலில் (distributed network) உள்ள கணினியின் திறன்கொண்டு "வெட்டி" எடுக்கப்படுகின்றது.
மறைபணம் (virtual currency) கொண்டு இந்த வலைப்பின்னலானது பல பரிவர்த்தனைகளை செய்வதன் மூலம் பிட்காயின் தனது சொந்த கட்டண வலைப்பின்னலை திறம்பட உருவாக்கி வருகிறது.
நீங்கள் வரம்பற்ற பிட்காயின்களைக் கடைந்தெடுக்க முடியாது
ஆம், பிட்காயின் நெறிமுறை (protocol) - பிட்காயின்களை செயல்படுத்தும் விதிகள் - 21 மில்லியன் பிட்காயின்கள் மட்டுமே இதுவரை உருவாக்கப்பட்டுள்ளன. எனினும் இவை சிறு சிறு பகுதிகளாக பிரிக்கப்பட்டுள்ளன. (அதாவது ஒவ்வொரு பிட்காயினை 0.00000001 பகுதிகளாகப் பிரித்துள்ளனர்) இந்த ஒரு பகுதியானது "சடோஷி" எனப் பெயரிடப்பட்டுள்ளது.
பிட்காயின் எதன் அடிப்படையில் தயாரிக்கப்படுகின்றது?
வழக்கமான பணம் தங்கம் அல்லது வெள்ளியின் அடிப்படையில் தயாரிக்கப்படும். கோட்பாட்டளவில், பணத்தை வங்கிகளில் செலுத்தி தங்கமோ, வெள்ளியோ பெற்றுக்கொள்ளலாம் (இது நடைமுறையில் இல்லை) ஆனால் பிட்காயின் தங்கத்தின் அடிப்படையில் தயாரிக்கப்படுவதில்லை, மாறாக கணிதத்தின் அடிப்படையில் தயாரிக்கப்படுகிறது.
பிட்காயின் தயாரிக்க உதவும் கணித வாய்ப்பாட்டை அடிப்படையாக கொண்டு உருவாக்கப்பட்ட பல்வேறு மென்பொருட்களை உலகம் முழுவதும் பயன்படுத்தி வருகின்றனர். இந்த கணித வாய்ப்பாடு இலவசமாக இணையத்தில் கிடைக்கின்றது, யார்வேண்டுமானாலும் பார்க்கலாம்.
திறந்த மூல மென்பொருள் (open source software) ஆதலால் யார்வேண்டுமானாலும் இதன் செயல்பாட்டை சரிபார்க்க முடியும்.
இதன் பண்புகள் எவை?
அரசாங்க ஆதரவுடன் வெளிவரும் நாணயங்களை விட பிட்காயின் பல முகன்மை வசதிகளைக் கொண்டுள்ளது.
1. பரவலாக்கப்பட்டது
பிட்காயின் பரவலாக்கப்பட்ட ஒன்று. எந்த ஒரு வங்கி, அரசு, நிறுவனம் அல்லது தனிநபர் கட்டுப்பாட்டிலும் இது இல்லை. அதாவது, உங்களது கணக்கை யாராலும் முடக்க முடியாது, அரசாங்கம் இதன் மதிப்பைக் குறைக்க முடியாது, அனைத்து நாடுகளிலும் இதனை பயன்படுத்தலாம், மற்றும் அச்சுறுத்தும் விதமாக, இந்த நாணயங்கள் யாரிடம் எவ்வளவு இருக்கின்றன என்பது தெரியாததால் வரி ஏய்ப்பு நடக்கும் சூழல் உருவாகும்.
2. கணக்கு துவங்குவது எளிது
வழக்கமான வங்கிகள் சாதாரண வங்கி கணக்கு தொடங்க பல்வேறு வளையங்களைத் தாண்டி குதிக்கச் செய்யும். வணிக கணக்கு துவங்குவது என்பது மேலும் நகைப்பபூட்டும் நடைமுறை, அதிகாரத்துவம் சூழப்பட்டிருக்கிறது. ஆனால் பிட்காயின் கணக்கு துவங்குவது எளிது, எந்த கேள்வியும் இல்லை, பணமும் செலுத்தத் தேவையில்லை.
3. அடையாளம் அற்றது
நல்லது. பயனாளர்கள் வெவ்வேறு பிட்காயின் முகவரிகளை வைத்துக்கொள்ளலாம். பெயர், முகவரி இதர தகவல்களுடன் ஒருபோது பிட்காயின் இணைக்கப்பட போவதில்லை. எனினும்...
4. முற்றிலும் வெளிப்படையானது
...வலைப்பின்னலில் (நெட்வொர்க்கில்) நடக்கும் ஒவ்வொரு பரிவர்த்தனையையும் பிட்காயின் ஒரு பேரேட்டில் பதித்து வைக்கிறது. அப்பேரேட்டின் பெயர் ப்ளாக்செயின் (blockchain). அது அனைத்தையும் சொல்லிவிடும்.
உங்களிடம் பொதுவில் பயன்படுத்திய பிட்காயின் முகவரி இருப்பின், அதில் எவ்வளவு பிட்காயின்கள் இருக்கின்றன என்பதை அனைவராலும் சொல்ல முடியும், ஆனால் அது உங்களுடையது என்பதை அவர்களால் கண்டறிய முடியாது.
ஒரே பிட்காயின் முகவரியை அடிக்கடி பயன்படுத்தாமலும், அதிக பிட்காயின்களை ஒரே முகவரிக்கு அனுப்பாமலும் மறைமுகமான மற்றும் பாதுகாப்பான செயல்களை பிட்காயின் நெட்வொர்க்கில் பயனாளர்கள் மேற்கொள்ளலாம்.
5. பரிவர்த்தனை கட்டணம் மிகக்குறைவு
அயல் நாடுகளுக்கு பணம் அனுப்பவேண்டுமேன்றால் உங்கள் வங்கி உங்களிடம் குறைந்தது 10 யூரோ பெறலாம். பிட்காயினில் அது இல்லை.
6. வேகமானது
உலகின் எந்த மூலையிலிருந்து பிட்காயின் அனுப்பினாலும், பிட்காயின் நெட்வொர்க் பரிவர்த்தனையை செயல்படுத்திய அடுத்த ஒரு நிமிடத்தில் அது உங்களிடம் வந்து சேரும்.
பிரபலமான கருத்துகள்
"பிட்காயினின் மிகப் பெரிய விசிறி நான். பணம் வழங்கலில் உள்ள கட்டுப்பாடுகள் அரசியலிற்கு அப்பாற்பட்டு இருக்க வேண்டும்."
- அல் கோரே [Al Gore], அமெரிக்க முன்னாள் துணை ஜனாதிபதி & அமைதிக்கான நோபல் பரிசு பெற்றவர்.
"பிட்காயின் ஒரு தொழில்நுட்ப வெற்றி."
- பில் கேட்ஸ் [Bill Gates], மைக்ரோசாப்ட் - இணை நிறுவனர்.
"கற்றறிந்தோர் அனைவரும் பிட்காயின் பற்றி தெரிந்து கொள்ள வேண்டும் ஏனெனில் உலகின் முக்கிய வளர்சிகளில் ஒன்றாக பிட்காயின் இருக்கக்கூடும்."
- லியன் லூ [Leon Louw], அமைதிக்கான நோபல் பரிசுக்கு பரிந்துரைக்கப் பட்டவர்.
